Բարի գալուստ Google Խմբեր, որոնք հանդիսանում են Google Inc. («Google») սեփականությունը և շահագործվում են նրա կողմից: Օգտվելով Google Խմբեր-ի ծառայություններից (այսուհետ՝ «Ծառայություններ»), Դուք ընդունում և համաձայնում եք պահպանել հետևյալ պայմանները և դրույթները (այսուհետ՝«Ծառայությունների մատուցման պայմաններ»): Ծառայությունների մատուցման պայմաններում նշված ոչ մի դրույթ չի կարող բացատրվել որպես որևէ իրավունքի փոխանցում երրորդ կողմերի:
1. Ծառայությունների նկարագիր
Ծառայությունները ներառում են 1981 թ. սկսած Usenet-ի քննարկման խմբերի ամբողջական պահոցը: Usenet-ի պահոցի տրամադրումից բացի, Ծառայությունները հնարավորություն են տալիս ստեղծել և պահպանել Ձեր սեփական խմբերը: «Խումբ»-ը բաղկացած է Համաշխարհային ցանցի («Ցանց») քննարկումների և նամակագրական ցուցակների փոխկապակցություններից, որոնք հնարավորություն են տալիս մասնակիցների խմբերին ինտերնետի միջոցով հաղորդակցվել միմյանց հետ: Ցանկացած Խմբի պարունակությունը պահվում է Google-ի կողմից, կարող է արտացոլվել որոնման արդյունքներում և դիտվել ինտերնետի միջոցով:
Եթե այլկերպ նշված չէ, Google-ը ցանկացած պահին կարող է ձևափոխել կամ կասեցնել Ծառայությունները՝ ցանկացած պատճառով, նաև առանց զգուշացման, առանց պարտականություններ ունենալու Ձեր կամ Ծառայություններից օգտվող ցանկացած անձի կամ երրորդ կողմի նկատմամբ: Ներկայումս գործող Ծառայությունները լրացնող կամ ընդլայնող ցանկացած նոր առանձնահատկություն կարգավորվում է սույն Ծառայությունների մատուցման պայմաններով:
2. Ծառայության մատուցման պայմանների փոփոխություն
Սույն Ծառայությունը կարգավորող Ծառայությունների մատուցման պայմանները կարող են նախազգուշացումով կամ առանց նախազգուշացման ցանկացած պահին թարմացվել Google-ի կողմից. Դուք կարող եք ցանկացած պահին առցանց ծանոթանալ վերջին տարբերակին, որը գտնվում է հետևյալ հասցեով. http://groups.google.com/googlegroups/terms_of_service3.html.
3. Գրանցում
Google Խմբեր-ում գրանցվելիս՝ պարտավորվում եք տրամադրել ստույգ, ճշգրիտ և ամբողջական գրանցման տեղեկություններ: Գրանցման ընթացքում կպահանջվի կատարել օգտվողի անվան և գաղտնաբառի ընտրություն, և Դուք պատասխանատու եք լինելու օգտվողի Ձեր անվան օգտագործմամբ կատարվող բոլոր գործողությունների համար, ինչպես նաև Ձեր գաղտնաբառի անվտանգ պահպանության համար:
Համաձայն Երեխաների գաղտնիության առցանց պահպանման օրենքի, այժմ Google Խմբեր-ում կարող են գրանցվել միայն առնվազն 13 տարեկանը լրացած օգտվողներ: 13 տարեկանը չլրացած անձանց չի թույլատրվում գրանցվել Google Խմբեր-ում:
4. Նյութերի օգտագործում
Սույն Ծառայությունների պարունակությունը պահպանվում է հեղինակային իրավունքների պաշտպանման օրենքով և այլ օրենսդրական ակտերով՝ Ամերիկայի Միացյալ Նահանգներում և այլուր: Ծառայությունները ներառում են ինչպես Google-ի սեփականություն հանդիսացող և Google-ի կողմից օգտագործվող պարունակությունը, այնպես էլ Google-ին արտոնագրված և երրորդ կողմերին պատկանող և իրենց կողմից օգտագործվող պարունակություն (բոլորը միասին՝ «Նյութեր»):
Google-ը թույլատրում է դիտել և բեռնել Նյութերի մեկ պատճեն՝ միմիայն Ձեր անձնական, ոչ առևտրային օգտագործման համար: Չի թույլատրվում Նյութերը վաճառել կամ փոփոխել, կամ առանց Google-ի գրավոր թույլտվության վերարտադրել, ցուցադրել, հրապարակել, տարածել կամ որևէ այլ կերպ օգտագործել Նյութերը՝ ցանկացած հասարակական կամ առևտրային նպատակներով: Ծառայությունների միջոցով տրամադրվող որոշ ծրագրերի և այլ տարրերի օգտագործման համար կարող են կիրառվել հատուկ կանոններ, որոնց մասին համապատասխան նշումներ են կատարվում:
Եթե ցանկանում եք տեղեկանալ Ձեր ինտերնետ կայքում որևէ Նյութի օգտագործման համար Google-ի թույլտվություն ստանալու մասին, խնդրում ենք ուղարկել էլ. նամակ groups-support@google.comհասցեով:
5. Պարունակություն
Ձեր պարտականությունները Դուք հասկանում եք, որ բոլոր տվյալները, տեքստերը, տեղեկությունները, հղումները և այլ պարունակությունը (բոլորը միասին՝ «Պարունակություն»), անկախ հրապարակային կամ սահմանափակ խմբերում փակցված լինելուց, հանդիսանում են այդ Պարունակության ծագման աղբյուր հանդիսացող անձանց բացառիկ պատասխանատվության առարկա: Դա նշանակում է, որ Դուք, և ոչ թե Google-ը, լիովին պատասխանատու եք Ծառայությունների միջոցով Ձեր կողմից հրապարակված, փակցված, վերբեռնված, առաքված, տարածված կամ այլ կերպ փոխանցված (բոլորը միասին՝ «Փակցված») Պարունակության համար: Դուք հասկանում եք, որ սույն Ծառայություններից օգտվելիս, կարող եք ենթարկվել վիրավորական, անպարկեշտ կամ տհաճ Պարունակության ազդեցության: Google-ը ոչ մի դեպքում պատասխանատվություն չի կրում ցանկացած Պարունակության համար, ներառյալ, բայց չսահմանափակվելով, ցանկացած Պարունակության մեջ տեղ գտած սխալների կամ բացթողումների, կամ ցանկացած կորստի կամ վնասի համար, որը տեղի է ունեցել Ծառայությունների միջոցով Փակցված Պարունակության օգտագործման հետևանքով: Դուք համաձայնում եք, որ պարտավոր եք գնահատել և կրել ցանկացած Պարունակության օգտագործման հետ կապված բոլոր հնարավոր վտանգները, ներառյալ այդպիսի Պարունակության ճշգրտությունը, լիարժեք լինելը կամ պիտանելիությանը վստահելը: Դուք հասկանում եք, որ Ծառայությունների, ներառյալ Պարունակության, տեխնիկական մշակումն ու փոխանցումը կարող են ընդգրկել. ա) տարբեր ցանցերի միջոցով փոխանցում, և բ) համակցող ցանցերի կամ սարքավորումների տեխնիկական պահանջներին համապատասխանելու և հարմարվելու համար անհրաժեշտ փոփոխություններ:
Խմբի սեփականատիրոջ իրավունքներն ու պարտականությունները Խմբի սեփականատերերը ունեն լրացուցիչ հնարավորություններ և պարտականություններ՝ վերաբերվող Խմբի անդամներին և Պարունակությանը: Խմբի սեփականատերը որոշում է կայացնում Խումբը որոշ անդամներին սահմանափակելու կամ հանրամատչելի դարձնելու մասին, և կարող է ցանկացած պահին փոխել Խմբի հասանելիությունը: Սահմանափակ Խմբերում, Սեփականատերը որոշում է կայացնում Խմբի անդամակցության մասին, և իր հայեցողությամբ կարող է մուտք գործել և փոփոխություններ կատարել անդամների ցուցակում: Խմբի սեփականատերը կարող է ցանկացած պահին Խմբի իր սեփականության իրավունքը փոխանցել Google Խմբեր-ի այլ օգտվողին: Ինչ վերաբերում է Պարունակությանը, ապա Խմբի սեփականատերը պատասխանատու է Խմբի Պարունակության պահպանման և վերահսկման համար, ներառյալ իր հայեցողությամբ ցանկացած պահին որևէ Խումբ, Պարունակություն կամ արխիվացված Պարունակություն ջնջելը:
Խմբի սեփականատերերը պարտավոր են նշել բացահայտ սեռական ուղղվածություն ունեցող Պարունակությունը: Եթե Ձեր կողմից ստեղծված Խումբն ունի անչափահասների դիտման համար անհարմար բացահայտ սեռական ուղղվածության Պարունակություն, Դուք համաձայնում եք համապատասխան կերպ նշել այդպիսի խումբը: Եթե Ձեր Խումբն ունի բացահայտ սեռական ուղղվածության Պարունակություն և Դուք համապատասխան կերպ չեք նշել այդ Խումբը, Google-ը իրավունք է վերապահում ջնջել Ձեր Խումբը՝ ներառյալ այդ Խմբում փակցված բոլոր հաղորդագրությունները:
Google-ի իրավունքները Դուք տեղյակ եք, որ Google-ը նախօրոք չի դիտում, ստուգում, խմբագրում կամ հաստատում Ծառայությունների միջոցով տրամադրվող Պարունակությունը և պարտավոր չէ վերահսկել Ծառայությունների միջոցով Փակցված Պարունակությունը: Եթե Google-ը հայտնաբերի Ծառայությունների մատուցման պայմաններին չհամապատասխանող Պարունակություն, Google-ը կարող է հետաքննություն անցկացնել և իր հայեցողությամբ բարեխղճորեն որոշել, արդյոք այդպիսի Պարունակությունը անհրաժեշտ է հեռացնել: Այդ գործողությունների կատարման կամ կատարումից խուսափելու համար Google-ը չի կրում ոչ մի պատասխանատվություն: Դուք հասկանում եք, որ Ծառայության միջոցով հասանելի որոշ Խմբեր հասանելի են միայն Ծառայության միջոցով, իսկ այլ Խմբերը հասանելի են ինչպես Ծառայության, այնպես էլ այլ աղբյուրների միջոցով, ինչպիսին է, օրինակ, Usenet-ը, որի նկատմամբ Google-ը չունի ոչ մի հսկողություն:
Պարունակության հեռացում և արխիվացում Եթե Դուք չեք հանդիսանում Խմբի սեփականատերը, Դուք կարող եք (1) պահանջել Ձեր կողմից փակցված հաղորդագրության հեռացումը, կամ (2) կանխել Ձեր հաղորդագրության արխիվացումը: (Արխիվացումը կանխելու մասին լրացուցիչ տեղեկություններ ստանալու համար, խնդրում ենք այցելել ՀՏՀ): Դուք համաձայնում եք երրորդ կողմերի փակցված հաղորդագրությունների վերաբերյալ ծագած բոլոր վեճերը լուծել ուղղակիորեն և միայն նրանց հետ կամ կարող եք հեռացման պահանջ ներկայացնել՝ կապնվելով Խմբի սեփականատիրոջ հետ: Այսպիսով, Դուք հասկանում եք, որ Google-ը չի հետևում կամ վերահսկում ուրիշների կողմից Փակցված տեղեկությունների պարունակությունը, այլ պարզապես տրամադրում է ծառայություններ՝ հնարավորություն տալով օգտվողներին դիտել հասանելի դարձած տեղեկությունները:
6. Համապատասխան վարք
Դուք համաձայնում եք պատասխանատվություն կրել Ծառայություններից օգտվելու ընթացքում Ձեր վարքի և հաղորդակցման, ինչպես նաև դրանց բոլոր հետևանքների համար: Դուք համաձայնում եք օգտագործել Ծառայությունները միայն օրինական, պարկեշտ և որոշակի Խմբին վերաբերող հաղորդագրություններ և նյութեր ուղարկելու և ստանալու համար: Որպես օրինակ, այլ ոչ թե սահմանափակում, Ծառայություններից օգտվելիս՝ Դուք համաձայնում եք հետևյալին.
- չզրպարտել, չչարաշահել, չանհանգստացնել, չհետապնդել, չսպառնալ կամ այլ կերպ չխախտել ուրիշների օրինական իրավունքները (ինչպես, օրինակ, գաղտնիության և չհրապարակման իրավունքները),
- չփակցնել անպարկեշտ, զրպարտիչ, հանցավոր, անառակ կամ անօրինական Պարունակություն,
- չփակցնել որևէ Պարունակություն, որը խախտում է ցանկացած արտոնագիր, ապրանքանիշ, հեղինակային իրավունք կամ ցանկացած կողմի սեփականության այլ իրավունք («Իրավունքները»), բացի այն դեպքերից, երբ հանդիսանում եք այդ Իրավունքների սեփականատեր կամ ունեք այդպիսի Պարունակություն Փակցնելու սեփականատիրոջ թույլատվությունը,
- չփակցնել հաղորդագրություններ, որոնք գովազդում են բուրգային սխեմաներ, շղթայական նամակներ կամ վնասակար առևտրային հաղորդագրություններ կամ գովազդ, կամ Խմբի սեփականատիրոջ կողմից արգելված ցանկացած տեսակի հաղորդագրություն,
- բեռնել Խմբի այլ օգտվողի կողմից Փակցված որևէ ֆայլ, որի այսկերպ տարածման արգելված լինելու մասին Դուք տեղյակ եք կամ բանականորեն ենթադրում եք,
- չձևանալ այլ անձ կամ միավոր, չկեղծել կամ չջնջել Փակցված ֆայլում պարունակվող ծրագրի կամ այլ նյութի ծագման կամ աղբյուրի պիտակները, սեփականության իրավունքի նշանները, իրավական կամ այլ համապատասխան նշումները, կամ որևէ հեղինակին վերագրումները,
- չսահմանափակել կամ չխոչընդոտել, որպեսզի որևէ օգտվող օգտագործի և վայելի Ծառայությունները,
- չօգտագործել Ծառայությունները որևէ անօրինական կամ չթույլատրված նպատակներով,
- չհեռացնել որևէ հեղինակային իրավունք, ապրանքանիշ կամ սեփականության այլ իրավունքների մասին նշումները, որոնք նշված են կամ պարունակվում են Ծառայություններում,
- չխոչընդոտել կամ խախտումներ չառաջացնել Ծառայությունների, սերվերների կամ Ծառայություններին միացված ցանցերի աշխատանքում, հետևել Ծառայություններին միացված ցանցերի բոլոր պահանջներին, կանոնակարգերին, քաղաքականություններին կամ կանոններին,
- չօգտագործել որևէ ռոբոտ, «սարդ» տեսակի կայքում տեղեկությունների որոնման ծրագրեր կամ որևէ չթույլատրված նպատակով օգտվողների մասին տեղեկություններ ստանալու համար Ծառայության որևէ մասում որոնում կատարող կամ ինդեքսավորող այլ սարքավորում,
- չտրամադրել այնպիսի Պարունակություն, որում կեղծ արտահայտված է կամ ենթադրում է այդ Պարունակության հովանավորությունը կամ ներկայացումը Google-ի կողմից,
- չստեղծել օգտվողների հաշիվներ՝ օգտագործելով ավտոմատացված միջոցներ, կեղծ կամ խարդախ պատրվակներ,
- աջակցություն չցուցաբերել կամ չկատարել ապօրինի գործողությունների հետ կապված հրահանգավորում, չաջակցել որևէ խմբին կամ անհատին ֆիզիկական վնաս հասցնելուն,
- չփոխանցել որևէ վիրուսներ, «որդեր», անսարքություններ, «տրոյական ձիեր», կամ վնասաբեր ցանկացած տարրեր:
Չնայած այս Ծառայությունների օգտագործման առնչությամբ Google-ն արգելում է այդպիսի վարքը և պարունակությունը, Դուք հասկանում և համաձայնում եք, որ, այնուամենայնիվ, կարող եք հանդիպել այդպիսի վարքի և/կամ Պարունակությանը, և օգտվում եք Ծառայություններից՝ Ձեր պատասխանատվությամբ:
7. Սեփականության իրավունքները
Google-ի իրավունքները
Google-ին, իր բաժանմունքներին ու արտոնագրեր տրամադրողներին պատկանում և պահպանվում են սույն Ծառայության բոլոր իրավունքները, որոնք պարունակում են սեփականություն հանդիսացող և գաղտնի տեղեկություններ, որոնք պաշտպանված են մտավոր սեփականության և այլ համապատասխան օրենքներով: Բացի Google-ի կողմից հատուկ նշված դեպքերի, չի թույլատրվում Google-ի սեփականություն հանդիսացող որևէ տեղեկությունների պատճենումը, փոփոխումը, հրապարակումը, փոխանցումը, տարածումը, ցուցադրումը կամ վաճառքը: "GOOGLE", "GOOGLE" լոգոն և "GOOGLE ԽՄԲԵՐ" հանդիսանում են Google-ի ապրանքանիշեր:
Ձեր իրավունքները
Google-ը չի պահանջում սեփականության իրավունք կամ հսկողության սահմանում՝ կապված Ձեր կողմից կամ Ծառայությունների միջոցով տրամադրված, Փակցված կամ ցուցադրված որևէ Պարունակության հետ: Դուք կամ արտոնագիր տրամադրող երրորդ կողմը պահպանում եք Ձեր կողմից տրամադրված, փակցված կամ ցուցադրված Պարունակության բոլոր արտոնագրերը, ապրանքանիշերը և սեփականության իրավունքները, և պատասխանատվություն եք կրում դրանց համապատասխան պահպանման համար: Ծառայություններում կամ Ծառայությունների միջոցով տրամադրելով, Փակցնելով կամ ցուցադրելով Պարունակությունը՝ Դուք տրամադրում եք Google-ին համաշխարհային, ոչ բացառիկ, առանց արտոնագրային վճարների արտոնագիր՝ այդպիսի Պարունակությունը վերարտադրելու, հարմարեցնելու և հրապարակելու՝ բացառապես Ծառայությունների կամ այլ Google Ծառայությունների ցուցադրման, տարածման և աջակցելու համար: Այս արտոնագիրը ավարտվում է, երբ այդպիսի Պարունակությունը հեռացվում է Ծառայություններից: Google-ը իրավունք է վերապահում միավորել Ծառայություններում կամ Ծառայությունների միջոցով Ձեր կողմից տրամադրված, Փակցված կամ ցուցադրված Պարունակությունը և օգտագործել այդ պարունակությունը՝ կապված Google-ի կողմից առաջարկվող այլ ծառայությունների հետ:
Թվային հազարամյակի հեղինակային իրավունքի ակտ
Մենք վարում ենք ենթադրվող խախտումների մասին տեղեկություններին արձագանքելու քաղաքականություն, ինչը համաձայնվում է Թվային հազարամյակի հեղինակային իրավունքի ակտի հետ: Հրահանգների և լրացուցիչ տեղեկությունների համար, այցելեք http://www.google.com/dmca.html:
8. Օգտագործման և պահպանման ընդհանուր կարգը
Դուք համաձայնում եք, որ Google-ը պատասխանատվություն չի կրում` մեր Ծառայություններում կամ Ծառայությունների միջոցով պահվող կամ Փակցված որևէ Պարունակության ջնջման կամ անհաջող պահպանման համար: Դուք հասկանում եք, որ Google-ը չի սահմանել Ծառայությունների միջոցով ուղարկվող կամ ստացվող հաղորդագրությունների, ինչպես նաև պահման համար նախատեսված ծավալի որևէ վերին սահման: Այնուամենայնիվ, մենք իրավունք ենք վերապահում մեր հայեցողությամբ ցանկացած պահին դնել սահմաններ՝ նախազգուշացումով կամ առանց նախազգուշացման:
9. Հղումներ
Ծառայությունները կամ երրորդ կողմերը կարող են տրամադրել հղումներ դեպի Համաշխարհային ցանցի այլ կայքեր կամ ռեսուրսներ: Քանի որ Google-ը չի կարող վերահսկել այդ կայքերն ու ռեսուրսները, Դուք հասկանում և համաձայնում եք, որ Google-ը պատասխանատվություն չի կրում այդ արտաքին կայքերի և ռեսուրսների հասանելիության համար, չի կարող հաստատել և պատասխանատու չէ այդպիսի կայքերի և ռեսուրսների ցուցադրվող և հասանելի պարունակության համար: Բացի այդ, Դուք հասկանում և համաձայնում եք, որ Google-ը ուղղակիորեն կամ անուղղակիորեն պատասխանատվություն չի կրում այդպիսի կայքերի և ռեսուրսների միջոցով հասանելի որևէ պարունակության օգտագործման կամ վստահման հետ կապված որևէ պատճառած կամ ենթադրվող վնասի համար:
10. Գովազդ
Google Խմբեր-ի գործունեությունը ապահովվում է գովազդի միջոցով: Փաստորեն, Ծառայություններում մենք ցուցադրում ենք գովազդ և գովազդային հաղորդագրություններ: Ծառայություններում Google գովազդի եղանակը, մեթոդները և տևողությունը ենթակա են փոփոխման: Դուք համաձայնում եք, որ Google-ը պատասխանատվություն չի կրում որևէ կորստի կամ վնասի համար, որոնք տեղի կունենան այդ գործարքիների կամ Ծառայություններում այդ գովազդատուների գտնվելու պատճառով:
11. Օգտվողների գաղտնիությունը
Որպես Ծառայությունների օգտագործման պայման, Դուք համաձայնում եք Google Խմբեր-ի Գաղտնիության քաղաքականությանը, քանի որ այն ժամանակ առ ժամանակ կարող է փոփոխվել: Ցանկացած նշանակալից փոփոխության մասին Google-ը Ձեզ տեղյակ է կպահի՝ փակցնելով հղում Google Խմբեր-ի սկզբնական էջին կամ էլ.փոստի միջոցով: Դուք հասկանում և համաձայնում եք, որ Google-ը կարող է մուտք գործել, պահել և բացահայտել Ձեր անձնական տեղեկությունները և Ձեր հաշվի պարունակությունը՝ Ծառայությունները տրամադրելու կամ օրենքով պարտավորված լինելու դեպքում, կամ բարեխղճորեն ենթադրելով, որ մուտքի այդպիսի պահպանումն ու բացահայտումը անհրաժեշտ է՝ օրինական գործընթացի պահանջներին բավարարելու կամ Google-ի, իր բաժանմունքների կամ հասարակության իրավունքներն, ունեցվածքը և/կամ անվտանգությունը պահպանելու համար: Google-ի կողմից հավաքագրված անձնական տեղեկությունները կարող են պահվել և մշակվել Միացյալ Նահանգներում կամ ցանկացած այլ երկրում, որտեղ Google-ը կամ իր գործակալներն ունեն համապատասխան հարմարություններ: Օգտվելով այս Ծառայություններից՝ Դուք համաձայնում եք Ձեր երկրից դուրս այդպիսի տեղեկությունների փոխանցմանը:
Որպեսզի ամբողջովին տեղեկանաք, թե ինչպես է Google-ը պահում Ձեր կողմից տրամադրված անձնական տեղեկությունները, այցելեք Գաղտնիության պահպանման քաղաքականություն:
12. Երաշխիքների սահմանափակում
Google-ը և իր բաժանմունքները, արտոնագիր տրամադրողները, գործընկերները, մատակարարները, խորհրդատուներն ու գործակալները («Google Կազմակերպություններ») սահմանափակում են որևէ և ամբողջ պատասխանատվությունը Ծառայություններում ցուցադրվող տեղեկությունների կամ Պարունակության ճշգրտության, բովանդակության, ամբողջականության, օրինականության, հուսալիության կամ աշխատունակության մասով: Google Կազմակերպությունները սահմանափակում են որևէ և ամբողջ պատասխանատվությունը՝ Ծառայությունների օգտագործման ընթացքում Ձեր և ուրիշների վարքի մասով:
ԱՅՍ ԾԱՌԱՅՈՒԹՅՈՒՆՆԵՐԸ ԵՎ ԱՄԲՈՂՋ ՊԱՐՈՒՆԱԿՈՒԹՅՈՒՆԸ, ՏԵՂԵԿՈՒԹՅՈՒՆՆԵՐԸ (ՆԵՐԱՌՅԱԼ, ԲԱՅՑ ՉՍԱՀՄԱՆԱՓԱԿՎԵԼՈՎ, ՑԱՆԿԱՑԱԾ ՏԵՂԵԿՈՒԹՅՈՒՆՆԵՐԸ ԿԱՄ ՊԱՐՈՒՆԱԿՈՒԹՅՈՒՆԸ, ԾԱՌԱՅՈՒԹՅՈՒՆՆԵՐԻ ՄԻՋՈՑՈՎ ՁԵՌՔ ԲԵՐՎԱԾ ԿԱՄ ԾԱՌԱՅՈՒԹՅՈՒՆՆԵՐԻ ՄԻՋՈՑՈՎ ՄՈՒՏՔ ԳՈՐԾԱԾ), ԱՅՍՏԵՂ ՆԵՐԱՌՎԱԾ ԱՊՐԱՆՔՆԵՐՆ ՈՒ ԾԱՌԱՅՈՒԹՅՈՒՆՆԵՐԸ ՏՐԱՄԱԴՐՎՈՒՄ ԵՆ «ԻՆՉՊԵՍ ԿԱՆ», ԱՌԱՆՑ ՈՐԵՎԷ ԵՐԱՇԽԻՔՆԵՐԻ ՏՐԱՄԱԴՐՄԱՆ: GOOGLE ԿԱԶՄԱԿԵՐՊՈՒԹՅՈՒՆՆԵՐԸ ՄԱՍՆԱՎՈՐԱՊԵՍ ՀՐԱԺԱՐՎՈՒՄ ԵՆ, ՕՐԵՆՔՈՎ ԹՈՒՅԼԱՏՐՎԱԾ ԱՌԱՎԵԼԱԳՈՒՅՆ ՉԱՓՈՎ, ԲՈԼՈՐ ՈՒՂՂԱԿԻ, ԱՆՈՒՂՂԱԿԻ ԵՎ ՕՐԵՆՔԻ ՈՒԺ ՈՒՆԵՑՈՂ ԵՐԱՇԽԻՔՆԵՐԻՑ, ՆԵՐԱՌՅԱԼ, ԱՌԱՆՑ ՍԱՀՄԱՆԱՓԱԿՈՒՄՆԵՐԻ, ԱՌԵՎՏՐԱՅԻՆ ՈՐԱԿԻ, ՀԱՏՈՒԿ ՆՊԱՏԱԿԻ ՀԱՄԱՊԱՏԱՍԽԱՆՈՒԹՅԱՆ ԵՎ ՍԵՓԱԿԱՆԱՏԻՐՈՒԹՅԱՆ ԻՐԱՎՈՒՆՔՆԵՐԸ ՉԽԱԽՏԵԼՈՒ ԵՐԱՇԽԻՔՆԵՐԸ: Որոշ նահանգներ արգելում են ուղղակի երաշխիքների բացառումը, և վերը նշված սահմանափակումը և բացառումը կարող են Ձեզ չվերաբերել:
ԴՈՒՔ ՀԱՄԱՁԱՅՆՈՒՄ ԵՔ, ՈՐ ԾԱՌԱՅՈՒԹՅՈՒՆՆԵՐԻՑ ՕԳՏՎԵԼՈՒ ՊԱՏԱՍԽԱՆԱՏՎՈՒԹՅՈՒՆԸ ԿՐՈՒՄ ԵՔ ՄԻՄԻԱՅՆ ԴՈՒՔ:
13. Անբարենպաստ պայմանների հետևանքներից և վնասի փոխհատուցումից ազատում
Դուք համաձայնում եք զերծ պահել և ազատել Google-ը երրորդ կողմերի ցանկացած պահանջներից, որոնք առաջացել են կամ որևէ կերպ կապված են Ձեր կողմից Ծառայությունների օգտագործման հետ, ներառյալ ցանկացած պարտավորութուն կամ ծախս, առաջացած ցանկացած տեսակի և բնույթի բոլոր պահանջներից, կորուստներից, վնասներից (իրական և հետևանքային), դատավեճերից, դատավճիռներից, դատական ծախսերից և իրավաբանների վարձատրություններից: Նման դեպքերում Google-ը գրավոր կտեղեկացնի Ձեզ այդպիսի պահանջների, դատավեճերի կամ գործողությունների մասին:
14. Պատասխանատվության սահմանափակում
GOOGLE-Ը ՈՉ ՄԻ ԴԵՊՔՈՒՄ ՊԱՏԱՍԽԱՆԱՏՎՈՒԹՅՈՒՆ ՉԻ ԿՐԻ ՁԵՐ ՀԱՆԴԵՊ՝ ՑԱՆԿԱՑԱԾ ՈՒՂՂԱԿԻ, ԱՆՈՒՂՂԱԿԻ, ՊԱՏԱՀԱԿԱՆ, ՀԵՏԵՎԱՆՔԱՅԻՆ, ՀԱՏՈՒԿ ԵՎ ՊԱՏԺԻՉ ՎՆԱՍՆԵՐ, ՈՐՈՆՑ ՊԱՏՃԱՌ Է ԴԱՐՁԵԼ ԿԱՄ ՈՐՈՆՔ ԿԱՊՎԱԾ ԵՆ ԾԱՌԱՅՈՒԹՅՈՒՆՆԵՐԻՑ ՕԳՏՎԵԼՈՒ ՀԵՏ ԱՆԿԱԽ ՆՐԱՆԻՑ, ԹԵ GOOGLE-Ը ՏԵՂԵԿԱՑՎԵԼ Է ՆՄԱՆ ՎՆԱՍՆԵՐԻ ՀՆԱՐԱՎՈՐՈՒԹՅԱՆ ՎԵՐԱԲԵՐՅԱԼ: ՊԱՏԱՍԽԱՆԱՏՎՈՒԹՅԱՆ ԱՅԴՊԻՍԻ ՍԱՀՄԱՆԱՓԱԿՈՒՄԸ ԿԻՐԱՌՎՈՒՄ Է (I) ԱՅՆ ԴԵՊՔԵՐՈՒՄ, ԵՐԲ ՎՆԱՍՆԵՐԸ ԱՌԱՋԱՆՈՒՄ ԵՆ ԾԱՌԱՅՈՒԹՅՈՒՆՆԵՐԻ ՕԳՏԱԳՈՐԾՈՒՄԻՑ, ՉՕԳՏԱԳՈՐԾՈՒՄԻՑ ԿԱՄ ՎՍՏԱՀԵԼՈՒՑ, ԾԱՌԱՅՈՒԹՅՈՒՆՆԵՐԻՑ ՕԳՏՎԵԼՈՒ ԱՆԿԱՐՈՂՈՒԹՅՈՒՆԻՑ, ԿԱՄ ԾԱՌԱՅՈՒԹՅՈՒՆՆԵՐԻ ԸՆԴՀԱՏՈՒՄԻՑ, ԴԱԴԱՐԵՑՈՒՄԻՑ ԿԱՄ ԱՎԱՐՏԻՑ (ՆԵՐԱՌՅԱԼ ԵՐՐՈՐԴ ԿՈՂՄԵՐԻ ԿՐԱԾ ՎՆԱՍՆԵՐԸ), ԵՎ (II) ՀԱԿԱՌԱԿ ՑԱՆԿԱՑԱԾ ՍԱՀՄԱՆԱՓԱԿ ՀԱՏՈՒՑՄԱՆ ՆՊԱՏԱԿԻ ԽԱՓԱՆՄԱՆԸ ԵՎ ՕՐԵՆՔՈՎ ԹՈՒՅԼԱՏՐՎԱԾ ԱՌԱՎԵԼԱԳՈՒՅՆ ՉԱՓՈՎ: Որոշ նահանգներ արգելում են ուղղակի և անուղղակի վնասների բացառումը կամ սահմանափակումը, և այդ սահմանափակումներն ու բացառությունները կարող են Ձեզ չվերաբերել: GOOGLE-Ը ՈՉ ՄԻ ՊԱՐԱԳԱՅՈՒՄ ՊԱՐՏԱՎՈՐՎԱԾ ՉԷ ՁԵԶ ՓՈԽՀԱՏՈՒՑԵԼ ՄԵԿ ՀԱԶԱՐ ԱՄՆ ԴՈԼԱՐ ($1000.00) ԳԵՐԱԶԱՆՑՈՂ ԳՈՒՄԱՐ:
15. Ծառայությունների օգտագործման պայմաններն ու օգտագործման դադարումը
Ծառայությունների մատուցման սույն պայմանները վերաբերում են Ձեր կողմից Ծառայությունների օգտագործմանը: Դուք կարող եք ցանկացած պահին և ցանկացած պատճառով դադարել Ծառայությունների օգտագործումը՝ կապնվելով հաճախորդների սպասարկման բաժնիհետ: Մենք կարող ենք ցանկացած պահին և ցանցկացած պատճառով կասեցնել Ձեր կողմից Ծառայությունների օգտագործումը, և այդ պահից Դուք իրավունք չեք ունենա օգտվելու մեր Ծառայություններից: Մեր սեփականության իրավունքները, երաշխիքների սահմանափակումը, վնասի փոխհատուցումից ազատումը, պատասխանատվության սահմանափակումը և լրացուցիչ դրույթները շարունակելու են գործել նույնիսկ Ծառայություններից օգտվելու ավարտից հետո:
16. Նշումներ
Google-ը կտրամադրի Ձեզ նշումներ սույն Ծառայությունների կամ Ծառայությունների մատուցման պայմանների վերաբերյալ՝ էլ.փոստով կամ փակցնելով այս ինտերնետ կայքում:
17. Լրացուցիչ դրույթներ
Սույն Ծառայությունների մատուցման պայմանները կտնօրինվեն Կալիֆոռնիա նահանգի օրենքների համաձայն, առանց առաջացնելու Կալիֆոռնիայի և Ձեր նահանգի կամ բնակության երկրի՝ միմյանց հակասող օրենքների վերաբերյալ որևիցե բախում: Կողմերը համաձայնում են ենթարկվել Կալիֆոռնիա նահանգի Սանտա Կլարա շրջանի դատարանների անձնական և բացառիկ իրավասությանը: Եթե ինչ-ինչ պատճառներով որևիցե դատարան կամ իրազեկ դատազորություն գտնի, որ սույն Ծառայությունների մատուցման Պայմանների որևէ հատված կամ դրույթ ուժ չունի, ապա Ծառայությունների մատուցման Պայմանների բոլոր մյուս դրույթները ամբողջովին ուժի մեջ կմնան: Դուք իրավունք չունեք փոխանցելու սույն Ծառայությունների մատուցման պայմանները, կամ փոխանցելու որևէ իրավունքներ, լիազորել որևէ պարտականություններ, ամբողջովին կամ մասնակի, կամավոր կերպով կամ օրենքի գործունեության արդյունքում, առանց մեր գրավոր թույլտվության: Այդպիսի որևէ միտումնավոր փոխանցում կամ լիազորություն կճանաչվի անվավեր և չի ունենա օրինական ուժ:
Չսահմանափակելով վերոհիշյալը՝ Google-ը ոչ մի պարագայում պատասխանատվություն չի կրում արտադրողականության որևէ ուշացումների կամ ընդհատումների համար, որոնք ուղղակիորեն կամ աննուղղակիորեն հանդիսանում են բնության այնպիսի ուժերի և պատճառների հետևանք, որոնք վեր են բանականության հասկացությունից, և որոնք ներառում են, բայց չեն սահմանափակում, ինտերնետի անջատումները, համակարգչային սարքավորումների շարքից դուրս գալը, հեռահաղորդակցման սարքավորումների շարքից դուրս գալը, այլ սարքավորումների շարքից դուրս գալը, էլեկտրականության մատակարարման ընդհատումները, գործադուլները, աշխատանքային բանավեճերը, խռովությունները, ապստամբությունները, քաղաքացիական անկայունությունը, աշխատուժի կամ նյութերի պակասը, հրդեհները, ջրհեղեղները, պայթյունները, ֆորս մաժորը, պատերազմները, կառավարության գործողությունները, տեղական կամ օտարերկրյա դատարանների կամ տրիբունալների վճիռները, երրորդ կողմերի պարտավորությունների չկատարումը, կամ ջերմամատակարարման, լուսավորության կամ օդափոխության խափանումները կամ անջատումները:
Սույն Ծառայությունների մատուցման պայմանները հադիսանում են Ձեր և Google-ի միջև մի ամբողջական պայմանագիր՝ սույնի առարկայի վերաբերյալ և փոխարինում են առարկային վերաբերող գրավոր և բանավոր բոլոր նախորդ ժամանակավոր փոխըմբռնումներն ու համաձայնությունները: Սույն Ծառայությունների մատուցման պայմանների որևիցե կետի կատարումից հրաժարվելն ուժի մեջ է միայն կողմերից մեկի ստորագրված գրավոր հրաժարման դեպքում: