Google Խմբերի գաղտնիության ծանուցում
2007 թ. հունիս
Google Գաղտնիության քաղաքականությունը նկարագրում է, թե ինչպես ենք մենք գործածում Google-ի օգտագործման ընթացքում մեզ հասանելի դարձած անձնական բնույթի տեղեկությունները, ներառյալ այն տեղեկությունները, որոնք տրամադրվել են Google Խմբեր-ի օգտագործման ընթացքում: Ի լրումն, հետևյալը նկարագրում է գաղտնիության այն սկզբունքները, որոնք յուրահատուկ են Google Խմբեր-ին:
Անձնական բնույթի տեղեկություններ
- Google Խմբեր ծառայություններում խմբեր ստեղծելու կամ հաղորդագրություններ փակցնելու համար անհրաժեշտ է ունենալ Google Հաշիվ: Google հաշիվ ստեղծելու ընթացքում Google-ը հարցում է կատարում որոշ անձնական տեղեկությունների մասին, որոնք ընդգրկում են էլ.փոստի հասցեն և գաղտնաբառը, որն օգտագործվում է Ձեր հաշիվը չթույլատրված մուտքից պաշտպանելու համար: Google հաշիվը Ձեզ հնարավորություն է տալիս մուտք գործել գրանցում պահանջող մեր բազմաթիվ ծառայություններ: Հասարակությանը հասանելի խմբերում կարող եք հաղորդագրություններ որոնել և ընթերցել՝ առանց հաշիվ բացելու:
- Փակցվող հաղորդագրությունների, հարմարեցված էջերի և ֆայլերի բովանդակությունը, ներառյալ ցանկացած տեքստ, պատկերներ, նկարներ, տեսա- և ձայնային նյութեր, որոնք Դուք տրամադրում եք Google Խմբերին, պահվում է Google-ի սերվերների վրա՝ այդ նյութերը հրապարակելու և ծառայությունը տրամադրելու նպատակով: Ձեր կողմից տրամադրված պարունակությունը կապակցվելու է Ձեր պրոֆիլի հետ, եթե Դուք այն լրացրել եք, կամ, եթե ոչ՝ Ձեր էլ.փոստի հասցեի "քողարկված" տեսակին: Մենք քողարկում ենք Ձեր էլ.փոստի հասցեն՝ փորձելով պահպանել օգտվողներին էլ.փոստի հասցեներ հավաքագրող ծրագրերից և ռոբոտներից: Խնդրում ենք ի նկատի ունենալ, որ Google-ը չի կարող քողարկել Ձեր կոզմից հարմարեցված էջում գտնվող պարունակությունը, ներառյալ էլ.փոստի հասցեն:
- Եթե ունեք Google Հաշիվ և հանդիսանում եք Խմբերի անդամ, կարող եք ստեղծել հասարակությանը հասանելի պրոֆիլ, որը կպարունակի որոշ անձնական տեղեկություններ, ներառյալ Ձեր անունը, գտնվելու վայրը, էլ.փոստի հասցեն և օգտվողի մասին այլ տեղեկություններ և պարունակություն: Ձեր պրոֆիլը դիտելիս օգտվողները տեսնելու են պրոֆիլի տվյալները, ինչպես նաև սովորաբար իրենց հասանելի հղումները դեպի փակցրած հաղորդագրությունները, հարմարեցված էջերը և ֆայլերը: Եթե պրոֆիլ չեք ստեղծելու, ապա Ձեր կողմից տրամադրված պարունակությունը կապակցվելու է միայն Ձեր Google Հաշվի էլ.փոստի «քողարկված» տարբերակի հետ:
- Google-ը հավաքագրում և պահում է տեղեկություններ Ձեր հաշվի գործողությունների մասին, ներառյալ տեղեկություններ այն խմբերի մասին, որոնց Դուք միանում եք կամ որոնք վարում եք, այլ անդամների կամ խմբին միանալու հրավիրվածների ցուցակները, այն հաղորդագրություններն ու թեմաները, որոնց Դուք հետևում եք, Ձեր կողմից ստեղծված կամ խմբագրվող հարմարեցված էջերը, Ձեր տրված գնահատականները, և Google Խմբեր օգտագործելու Ձեր նախընտրած գործառույթները:
Օգտագործումը
- Google Խմբերում Ձեր կողմից փակցված հաղորդագրության մասին տեղեկությունները և պարունակությունը – ներառյալ վերնագրում պարունակվող տեղեկությունները, մականունը և փակցրած հաղորդագրության հետ առնչվող էլ.փոստի հասցեն – ցուցադրվելու են այն օգտվողներին, ովքեր կարող են մուտք գործել տվյալ խումբ: Նույնապես, Ձեր օգտվողի պրոֆիլ մուտքագրվող բոլոր տեղեկությունները կարող են դիտարկվել այլ օգտվողների կողմից: Google Խմբի սեփականատերերը որոշում են, ով է գտնվում խմբում և արդյոք քննարկումը հանրամատչելի է թե սահմանափակ: Այսպիսով, խմբերում կարող են գնտվել անձինք, որոնց Դուք չեք ճանաչում: Զգուշացեք խմբում անձնական տվյալներ, հատկապես կարևոր տեղեկություններ՝ սոցիալական պաշտպանության քարտի համարներ, ֆինանսական տվյալներ, բնակության հասցեներ և հեռախոսի համարներ, փակցնելուց:
Ինչ կարող եք անել
- Ձեր պրոֆիլի էջից կարող եք ցանկացած ժամանակ թարմացնել, փոխել կամ դադարեցնել Ձեր օգտվողի պրոֆիլը:
- Կարող եք պահանջել, որպեսզի Ձեր կողմից փակցված հաղորդագրությունները անջատվեն, հրաժարվել բաժանորդագրումից կամ հեռացնել Ձեր Google Հաշիվը: Մանրամասն տեղեկությունների համար, խնդրում ենք այցելել Խմբերի օգնության կենտրոնը:
- Կարող եք նաև ցանկացած պահին Ձեր Google Խմբերի գործառույթները փոխել՝ մուտք գործելով Խմբերի սկզբնական էջ:
Լրացուցիչ տեղեկություններ
Google-ը որդեգրել է ԱՄՆ «Ապահով ապաստան» սկզբունքները: «Ապահով ապաստան» իրավաբանական փաստաթղթերի կամ մեր գրանցման մասին լրացուցիչ տեղեկություններ ստանալու համար, այցելեք ԱՄՆ Առևտրի նախարարության ինտերնետ կայքը:
Google Խմբեր-ի մասին լրացուցիչ տեղեկություններ կարելի է ստանալ այստեղ:
Մեր գաղտնիության սկզբունքների մասին լրացուցիչ տեղեկություններ ստանալու համար, այցելեքգաղտնիության քաղաքականությունը ամբողջովին: Լրացուցիչ հարցերի համար դիմեք մեզ ցանկացած ժամանակ: Կամ գրեք մեզ.
Privacy Matters
c/o Google Inc.
1600 Amphitheatre Parkway
Mountain View CA 94043 (USA)