Ս.թ. մարտի 18-ին Ժնևում Օրհուսի կոնվենցիայի համապատասխանության կոմիտեն իր  
27-րդ նիստում կքննարկի Հայաստանի կողմից Օրհուսի կոնվենցիայի իրականացման  
հետ կապված հարցերը՝ հիմք ընդունելով հայաստանյան հասարակական  
կազմակերպությունների հաղորդումը Օրհուսի կոնվենցիայի քարտուղարությանը:

2009թ. սեպտեմբերի 15-ին “Թրանսփարենսի Ինթերնեշնլ հակակոռուպցիոն կենտրոն”  
ՀԿ, “Էկոդար” բնապահպանական ՀԿ և “Հելսինկյան քաղաքացիական ասամբլեայի  
Վանաձորի գրասենյակ” ՀԿ դիմել էին Օրհուսի կոնվենցիայի քարտուղարություն առ  
այն, որ Թեղուտի պղնձա-մոլիբդենային հանքավայրի շահագործման վերաբերյալ  
պետական մարմինների որոշումների ու գործողությունների արդյունքում խախտվել է  
կոնվենցիայի 6-րդ հոդվածը՝ սահմանափակելով հասարակության մասնակցությունը  
որոշումների ընդունման գործընթացներին: Մասնավորապես, հաղորդում ներկայացնող  
կազմակերպությունների կարծիքով, Հայաստանի Հանրապետությունը չի ապահովել՝

     հասարակության մասնակցությունը որոշումների ընդունման վաղ փուլերում  
(հոդված 6(2)),
     հանրության արդյունավետ մասնակցությունը (հոդված 6(4)),
     հասարակայնության կողմից ներկայացված կարծիքների հաշվի առումը որոշումների  
ընդունման գործընթացներում (հոդված 6(8)),
     որոշումների ընդունման վերաբերյալ անմիջապես իրազեկումը (հոդված 6(9)),
     պայմանների փոփոխության վերաբերյալ իրազեկումը (հոդված 6(10)):

Հասարակական կազմակերպությունների հաղորդման մեջ ասվել է, որ ՀՀ վարչական  
դատարանի կողմից նրանց դիմումի և հետագա բողոքի մերժմամբ սահմանափակվել է նաև  
նրանց արդարադատության մատչելիությունը և խախտվել կոնվենցիայի 9 (2) հոդվածը:  
ՀՀ վճռաբեկ դատարանի քաղաքացիական և վարչական պալատը, Օրհուսի կոնվենցիայի  
համապատասխանության կոմիտեի կողմից հայաստանյան ՀԿ-ների հաղորդումն  
ընդունելուց հետո միայն, տեղեկացրել է, որ բողոքը բավարարում է “Էկոդար”  
բնապահպանական ՀԿ մասով: Սակայն դատարանը, փաստորեն, չի ճանաչել  
“Թրանսփարենսի Ինթերնեշնլ հակակոռուպցիոն կենտրոն” ՀԿ որպես շահագրգիռ  
հասարակայնություն Օրհուսի կոնվենցիայի սահմանումների համաձայն:

Օրհուսի կոնվենցիայի քարտուղարություն հաղորդում ներկայացրած հասարակական  
կազմակերպություններին Ժնևում կներկայացնի փաստաբան Հայկ Ալումյանը:

Լրացուցիչ հարցերով խնդրում ենք դիմել Սոնա Այվազյանին՝ 091433278  
հեռախոսահամարով:

--
Բոլոր նորություններին միանգամից ծանոթանալու համար
կարող եք այցելել ՎԵՐՋԻՆ ՀՈՒՅՍ Խմբի կայքը՝

http://groups.google.com/group/verjin-huis
Բաժանորդագրվելու համար անհրաժեշտ է ուղարկել դատարկ նամակ
verjin.hu...@gmail.com հասցեին եւ գրանցվել՝ հետագա նորություններին
էլեկտրոնային փոստի միջոցով ծանոթանալու համար:

Խնդրում ենք այս նամակը փոխանցել նրանց, ովքեր
լրատվության կարիք ունեն:

Շնորհակալություն Ձեր ցուցաբերած ակտիվության համար: